23 February 2020

હું જયારે પણ બસ તમારા ધ્યાનમાં હોઉં છું મુકુલ દવે 'ચાતક',

હું જયારે પણ બસ તમારા ધ્યાનમાં હોઉં  છું
કેમ   લાગે   છે   મને   કે   ભાનમાં   હોઉં  છું

રોજ  મારા  આશાના  દીવા  ટમટમે  એટલે
એ  દિવસથી  એમના  અહેસાનમાં  હોઉં  છું 

બસ જ્યારથી એમની નજરે ચડ્યો છું હું ખુદ
ત્યારથી  સૌની  હું  ખુદ  જુબાનમાં   હોઉં  છું

હોંશ  તો  છે ક્યાંક જીતવાની મને ઘણી તને
હું   બધી   રમતે   હંમેશ  મેદાનમાં  હોઉં  છું

રોજ   હું  જાગી  રમત  જોયા  કરું  છું  ભલા
જે   ઊગે   તે  આથમે  એ  જ્ઞાનમાં  હોઉં  છું
મુકુલ દવે 'ચાતક'

18 February 2020

હું બોલું કે તું બોલે તોયે ઘણું બોલાય છે ,મુકુલ દવે 'ચાતક'

હું  બોલું  કે  તું  બોલે  તોયે  ઘણું  બોલાય  છે 
કહેવું   હોય   જે   એ  ખાસ   ક્યાં  કહેવાય  છે 

ઈશ્વરને  આમ  જઈને  પૂછું  તો  કહેતો  નથી 
સફર છે લાંબી ને રસ્તો ટૂંકો પૂછે ક્યાં જાય છે 

જ્યાં  તું  પણ  રહે  છે એનું સરનામું આપ્યું છે 
પ્હોંચતા   ત્યાંજ  અધરસ્તે  રસ્તો  ભૂંસાય  છે 

ને ઢળતાં સાંજ મારુ દિલ જોરથી ધબકે તો છે 
અર્શ્રુ  વિના રડવામાં શ્વાસ ભીના સંભળાય  છે 

નિકટ  તું  હોય  છે  તો ભય કશાનો હોતો નથી 
હું  ખુદ  મારાથીયે  ડરું  છું તું જયારે રિસાય છે 

પ્રણયની  ભાળ  લેવા કૃષ્ણ વગાડે છે વાંસળી 
વૃન્દાવન જાવ મીરા રાધાના સૂરો  વ્હેંચાય છે 
મુકુલ દવે 'ચાતક'


14 February 2020

રેશમી ઘનઘોર જુલ્ફોને ઝટકો તો ખરા ,મુકુલ દવે 'ચાતક'

રેશમી    ઘનઘોર    જુલ્ફોને    ઝટકો   તો   ખરા
છાયા  બની  ક્યાંક  તો  મુજપર  વરસો તો ખરા

જે   તમે   લખતા   નહોતા  એ  આંખે વંચાય  છે
પાંપણો   ઢાળીને   મારી  પાસે   ઉઘડો તો  ખરા,

ઓળખું   છું   તારા   સુંવાળા   ટેરવાના   સ્પર્શને
જાતથી  દૂર  રહીને  સ્વપ્નામાં  અડકો  તો  ખરા

આમ   લઈને   તરસ   ક્યાં   ને  ક્યાં  તું ફર્યા કરે
બસ પ્રથમ વરસાદમાં આવીને પલળો  તો ખરા

આજ  ફરી  ચાંદ  પૂનમનો જોઈ આવ્યો  વિચાર
જોઈ  તને  પ્રશ્ન  છે, ધરતી  પર ઊતરો તો  ખરા
મુકુલ દવે 'ચાતક'

12 February 2020

તું મારા હૃદયના દીવાને પણ ઈશ્વર થવા દે,મુકુલ દવે 'ચાતક'

તું   મારા  હૃદયના  દીવાને  પણ  ઈશ્વર  થવા  દે
કૃપા  કર  એટલી   અજવાસને  સરભર   થવા  દે

ભલેને    ચારકોર    સુંગંધ    ફેલાઈ   ગઈ    હોય
શું  ફેર  તુજમાં  ને  ફૂલમાં જાણવા અત્તર  થવા દે

સજદામાં  એ  યકીનન  માથું  નમાવીને  રહ્યા  છે
દુવા   માગું   પહેલા   એમને    સધ્ધર    થવા   દે

પ્યાલો  ઝેરનો  લઇ  એ  ભટકી  ઘરે  ઘર રહ્યા  છે
નવી  પગદંડી  બને  એ  કાજ  મને  શંકર થવા દે

છૂટી  ગઈ  આદતો  ઠોકર  ખઈ  કહું  સાવ મોઘમે
સુંવાળપમાં પકડી એની આંગળી પગભર થવા દે
મુકુલ દવે 'ચાતક'

24 January 2020

હૃદયના મંદિરના બારણાં જરાક ખોલી નાખ ,મુકુલ દવે 'ચાતક

હૃદયના  મંદિરના  બારણાં  જરાક  ખોલી  નાખ
પ્રથમ  દીવો  પ્રગટાવી  મારું  નામ  બોલી નાખ

કરી  લે  હૈયામાં  ડોકિયું  તુજને  દેખાશે  વરસાદ
અશ્રુ   શું   શું   લખે   પ્હેલાં   જખ્મો  ઘોળી  નાખ

ખભા    પર   મૂક્યો   છે    હાથ   મેં    એ    કારણે
સફરનો  થાક  લાગે  નહિ  અબોલા  તોડી  નાખ

તને જોઈ મૌનની વાચાએ રસમ બદલી પણ છે
શબ્દો   હોઠે   લથડે   પ્હેલાં   શબ્દો  જોખી  નાખ

કંડાર્યો   મેં   હતો   ખુદ   માર્ગ   તો  તારા  ઘરથી
ફૂટ્યાં   માર્ગ   ઘણાં   મળુ  તો  ક્યાંક  રોકી  નાખ
મુકુલ દવે 'ચાતક'