29 May 2020

એ ઝરુખા પર ઉભી ઉભી જ આંસુ પી જાય છે ,મુકુલ દવે 'ચાતક'

એ   ઝરુખા   પર   ઉભી   ઉભી  જ  આંસુ પી  જાય  છે
આંગણે  ખારા  દરિયા  આવી  સતત  ઉમટી  જાય છે

જ્યાં જીવનની હું અધૂરી ઝંખનાઓને સમજ્યો છું ત્યાં
બસ   વૃક્ષની   ડાળ  પર  બેસી   પક્ષી  ઉડી   જાય  છે

મારે  પહોંચવું  છે  જરૂર  તારા  ઘરે  એ  શીખ્યા  પછી
રોજ  મરવા  ઇચ્છતી  મારી  ઈચ્છાઓ  જીવી જાય છે

વેદના    કોને    કહું   ફૂલ   પાંગરી   ને   પાંગરે   જ્યાં
ડાળ    પરનું   ફૂલ    તૂટી    ડાળને    ભૂલી   જાય   છે

એણે  જયારે  કહ્યું  કે  ખુદ  હું  જ  છું  તારામાં ત્યારથી
શ્વાસના   ધબકાર   સૂરા   થઇ   મને  છેતરી  જાય  છે
મુકુલ દવે 'ચાતક

24 May 2020

આંગળી તારી પકડવામાં સાચો એ જીર્ણોદ્વાર છે ,મુકુલ દવે 'ચાતક'

આંગળી તારી પકડવામાં સાચો એ જીર્ણોદ્વાર છે
એમના    તો    પ્રેમના    કેવાય   મન્ત્રોચ્ચાર   છે

અમસ્તા  એ  અશ્રુભીની પાંપણો  'ના'  પટપટાવે
રુદનની   આ    બંદગીમાં    આંખમાં   તૃષાર  છે

આમ પડદામાં રહી આપો દર્શનની એકાદ ઝલક
શું    કહું    કેવા    પ્રતીક્ષાને    બહાને   પ્રહાર  છે

એક   સરખું   મુશળધારમાં    ક્યાં   ભીંજાયા   છે
એ  તરસના  ટીપે  ગંગાજળ  બન્યા કેવા દ્વાર  છે

આ   સજળ  આંખે  જ્યાં  વિચારવાનું   શરુ  કર્યું
આંખ   તો   તરસાવતી   રહી   એજ  ઉપચાર  છે
મુકુલ દવે 'ચાતક'

15 May 2020

ચાલ બ્હેરા,અંધ ને મૂંગા એ વાનર જેવું જીવી લઈએ ,મુકુલ દવે 'ચાતક '

ચાલ   બ્હેરા,  અંધ   ને  મૂંગા  એ  વાનર  જેવું  જીવી  લઈએ
જિંદગીમાં  પહોંચતો  નથી  અર્થ, રાહબર  જેવું  જીવી લઈએ

જોતજોતામાં  પેટની   પીડા   શમી   જાય  એકદમ  એની  ને
એક દાણો ચોખાનો તું લે,માધવના ગાગર જેવું જીવી લઈએ

બસ  અમે  ખુદાની  મહેરબાની એને પુકાર્યા વિના પણ જોઈ
એ  પધાર્યા  છે  દ્વાર  પર, ચાલ  અવસર  જેવું  જીવી  લઈએ

શૂન્યતાનો  મર્મ  છું  ને  શક્યતા છે ઘર તરફ વળી જવું તારા
છે  નજર સામે પ્રભુ , ચાલ મંદિરના પથ્થર જેવું જીવી લઈએ

ના   હું   આ   પાર   ડૂબ્યો   છું,   ના   હું   એ  પાર ડૂબ્યો  છું ને
ભેદ  સમજાય  છે  કિનારે, મઝધારે  સાગર જેવું જીવી લઈએ
મુકુલ દવે 'ચાતક '

9 May 2020

આજ બેઉ આંખની વચ્ચે મદિરાની આપ લે થઈ છે ,મુકુલ દવે 'ચાતક'

આજ  બેઉ  આંખની  વચ્ચે  મદિરાની  આપ લે  થઈ છે
તારી  ને  મારી  વચ્ચે  તોયે  ફકીરાની  આપ લે થઈ છે

ને ઉઘાડી આંખમાં એના આગમનની પળ ગણાતી થઈ
શ્વાસ  ને  ઉચ્છવાસ  વચ્ચે  અધીરાની  આપ લે થઈ છે

માફ  કરજો  પ્રેમના  રહસ્યોમાં  માધવ  આવું   બને  છે
વાંસળીના  સૂરમાં  રાધા  ને  મીરાની  આપ લે થઈ  છે

ઝંખના  જીવલેણ  છે  એ  જાણી  પ્રણયમાં ઝંખતા તોયે
જોત જોતામાં જખ્મોનાં ચીરાં  ચીરાંની આપ લે થઈ છે

પ્રેમના  અનુભવનો  કેવો  દોર છે  ને આ દમામ છે બંધુ
પ્રણયને  સ્પર્શતા  અમીર  ને  ફકીરાની આપ લે થઈ છે
મુકુલ દવે 'ચાતક'

30 April 2020

પ્રેમ પર મારું જાગરણ હતું ને સિતારો પણ ખર્યો હતો ,મુકુલ દવે 'ચાતક'

પ્રેમ પર મારું  જાગરણ હતું  ને સિતારો પણ ખર્યો હતો
આસ્થાને   પુરી   કરવા  મેં   શ્રદ્ધાનો  દીવો  ધર્યો  હતો

એજ અંધકારને પૂછવાનો હક છે એ તડકાના માણસને
છાંયડાને    કાજ    અવિરત    કેટલું   તું   એ  ફર્યો હતો

જિંદગીભર   જળ   લઇ  તું   મૂર્તિને   ચમકાવતો  રહ્યો
એમાં  તિખારવા  ના  રહ્યા,  પરમાત્માને કરગર્યો હતો

તું   રમત  છોડી  ગમે   ત્યારે   જઈ  શકતો  હતો  જ્યાં
મેં   ખુલ્લી  કિતાબ  રાખીને  અજબ  સોદો   કર્યો  હતો

આપની  કોરી  આંખમાં  મારું  પ્રતિબિંબ જોઈને સતત
એ  અલૌકિક  શુદ્ધિમાં  ચકચૂર  નશો મારો ઉતર્યો હતો

તિખારવો =દેવતાનો તણખો
મુકુલ દવે 'ચાતક'