16 October 2014

હજી હોંઠે જામ અડ્યો ને આખો જામ પીવાઈ ગયો ,ચાતક


હજી  હોઠે   જામ  અડ્યો  ને  આખો   જામ  પીવાઈ  ગયો ,
તરસતો આવ્યો ને  પ્યાસની તરસ પીને વિખરાઈ  ગયો ,

છલોછલ  જામ  સાથે  તરસ લઈ  એ માણસ ફરતો  રહ્યો ,
સ્વયંના  રઝળતા  ટૂકડા   ભેગા  કરવામાં  ખોવાઈ  ગયો ,

મારકણાં નયન ને ગોરા ગાલના તલની દીવાનગી જોઈ ,
ને   એના   કેફમાં   સુરાની   એક   બુંદથી   ધરાઈ    ગયો ,

તરસ જાણીને નજર મિલાવી એમણે તરસ વધારી  દીધી ,
એમની  આંખમાં  સમાયેલા  મયકદામાં  અટવાઈ  ગયો ,

જામ ભરતો  રહ્યો  મિલન  ને   વિરહમાં ને  તરસતો  રહ્યો ,
"ચાતક"  અંધકાર  વધતો  રહ્યો   ને   ચાંદ  સંતાઈ   ગયો ,

મુકુલ દવે "ચાતક"



6 October 2014

તારી પાંપણમાં દૂઝતા જખ્મો સંઘરીશ તો અંતે સૂકાઈ કાજળ થઈ જશે ,ચાતક


તારી પાંપણમાં  દૂઝતા  જખ્મો  સંઘરીશ તો અંતે સુકાઈ કાજળ થઈ જશે ,
ભૂતકાળની  જેમાં  સંઘરી  છે   સ્મૃતિઓ  તે  અંતે  કોરો  કાગળ  થઈ  જશે ,

સેવક  રામનો  બનવા તારી  છાતી  કાઢી  સ્વંયં  તું  ચીરી બતાવીશ નહીં ,
શોધે  તને અહિયાં રામ જડશે નહીં ને અંતે તારી આસ્થા પોકળ થઈ  જશે ,

વરસાદની  જેમ  ભલે  તું   આવેગમાં  વરસ્યો  કેવળ  લાગણીના  વ્રુક્ષમાં ,
ભીની અંગત સંવેદનાની  લાગણી  વાવ્યાથી  તે  અંતે  શ્રીફળ  થઈ  જશે ,

હું  પૂછું   છું   મારી   જાતને  કે   તું   ભૂલાયેલો   રસ્તો  છે , નથી તું  મંઝિલ
ને  એ  આશાએ   ચાલ્યા   કરું  છું  ને  કોઈ  દિન રસ્તો  અટકળ  થઈ  જશે ,

"ચાતક"  અનાદિથી  બ્રહ્માંડમાં અમૃત પીવાનો  હક્ક એકલા ઇન્દ્રનો  નથી ,
એ જ તારામાં છે વલોવી ધૂણી ધખાવ ને અંતે સાગરઅમૃત જળ થઈ જશે ,

મુકુલ દવે "ચાતક"