સિક્કો ઊછાળીશ તો વહેવાર ,નહીં તો તને બદલાતા મળશે ,મુકુલ દવે "ચાતક'

સિક્કો   ઊછાળીશ   તો   વહેવાર , નહીં  તો  તને  બદલાતા  મળશે ,
તન  મન  સજાવીશ  તો  તહેવાર , નહીં  તો  તને  અથડાતા મળશે ,

ફેંક    પત્તાં   પ્રભુ    એક    બાજી   તારી    ને    બીજી    બાજી   મારી ,
બાજી   જો   હાર્યો   તો   ચકચાર ,  નહીં  તો  તને  ભરમાતા  મળશે ,

આગને     પ્રગટાવ    હંમેશ    તારી    મશાલ     સળગાવેલી   રાખ ,
ઓગાળ  ચારે  બાજુ નો  અંધકાર , નહીં તો તને ઓલવાતા  મળશે ,

ખુદનો   આયનો   લઈ   શોધ્યો   નહીં   જડે   માણસ   આ   શહેરમાં ,
ભોમિયો  હોય  દુનિયા  ગોળાકાર , નહીં  તો  તને  અટવાતા  મળશે ,

ખુદા ના દે "ચાતક" મૂશળધાર વરસાદ ,આશ વસી છે બુંદ પાણીમાં,
ઘોર    વાદળો    અણસાર   કરશે ,  નહીં  તો  તને  પડઘાતા  મળશે ,

મુકુલ દવે "ચાતક'

ઘા ભલે કર્યા નાસૂરને પંપાવ્યાનો શું અર્થ ,મુકુલ દવે "ચાતક "

ઘા    ભલે   કર્યા   નાસૂરને  પંપાળવાનો   અર્થ  શો ?
તાપ તો જીરવી ગયા લાગણી તપાવ્યાનો અર્થ શો ?

તમને   ઓળખવાની  કોશિશ  સદા  નકામી  જતી
પહેરાવી   તમને    નકાબ   સજાવ્યાનો   અર્થ  શો ?

પથ્થરના  અણસાર  સમજી  ઈશ્વર  પૂજ્યા    નહીં ,
હોવાપણાના    ઈશારા     જણાવ્યાનો     અર્થ  શો ?

દોસ્ત    દુશ્મનની    આ    ભીડ   ભરી   દુનિયામાં ,
ઝાંઝવાંમાં      સંબંધોને    વહાવ્યાનો     અર્થ  શો  ?

બાજીમાં  "ચાતક"   એક્કો  પણ  નીકળે  કે   જોકર
રમતમાં  હારજીત ને  રવાડે ચઢાવ્યાનો અર્થ  શો ?

મુકુલ દવે "ચાતક "

તારા સર્જનમાં સર્જનહાર પીડા કેમ છે ,ચાતક

તારા    સર્જનમાં  સર્જનહાર  પીડા   બેશુમાર  કેમ  છે ,?
આટોપી લે  લીલા સર્જનની સૃષ્ટિ  નિરાધાર  કેમ   છે ,?

આંસુનાં    વહેણને    એ    હૂંફાળા     હાથથી    લૂછતાં ,
દીવાનગીની  પરાકાષ્ઠા એ  દુર્દશા પારાવાર કેમ  છે ?

કંઇક    કંડારેલા   પથ્થરની   ભ્રમમાં     સજદા   કરતાં ,
માનવતા પૂજતાં તારી ઝંખનામાં તું  નિરાકાર કેમ  છે ,?

હે ઈશ્વર,  મૌન  તારું   જુલમ  અસહ્ય    બને   છે   ત્યારે ,
વ્યથામાં  ઊઠે   દુઆ  માટે  હાથ,  તું   લાચાર  કેમ  છે ,?

પ્રણય પંથમાં  છુટાં પડયાં  ને  વર્ષો પછી  રૂબરૂ  મળ્યા ,
નજરમાં  જે  લજ્જત   હતી  તે  આજે  બેકરાર  કેમ  છે ,?

માનવની  લાચારી  ને   મજબૂરીની  લોક મઝા  ઉડાવે ,
"ચાતક " જ્યાં આસ્થાથી ઊભા રહ્યા ત્યાં બજાર કેમ છે ,?

મુકુલ દવે "ચાતક"

  

પથ્થરને યુગોનો ઈતિહાસ મનખામાં રહે છે ,ચાતક

પથ્થરના  યુગોનો   ઈતિહાસ   મનખામાં  રહે  છે ,
યુગોનાં     સ્મારક    મૌનની   સજામાં    રહે     છે ,

સમય   પણ   કેવી   રીતે   સાક્ષીએ  ઊભો   રહેશે ?
ક્યાં    ને   ક્યાં   એ    સરકીને   ચર્ચામાં   રહે    છે ,

જીવનને  વિચલિત  કરી  દે   છે  પ્રેમ  ને  નફરત ,
જિન્દગીની    સિયાસત    છોડી  ખુદામાં   રહે   છે ,

સ્મૃતિની  છબી  આંખોમાં  લઇ  એ  બેસી ગયો  છે ,
જખ્મોની   હરકત   આંખના   આઇનામાં   રહે   છે ,

તિમિરમાં એક  તેજના લિસોટાની સદા પ્રતીક્ષામાં ,
"ચાતક"  ઊડતા  આગિયાની   તેજરેખામાં રહે  છે ,

મુકુલ દવે "ચાતક"