29 July 2016

જિંદગી રથનાં બનો સારથિ,અર્જુન હું બની જાઉં છું,મુકુલ દવે 'ચાતક'


જિંદગી   રથનાં   બનો  સારથિ, અર્જુન  હું બની જાઉં  છું
ફળ   રૂપે   માળાજ   આપી,  હું   પરોવું  ને તું  સંતાઉં  છું ,

આંખમાં   કાજલની   માફક  આંજ્યાંતા  એમને  જે  પળે ,
ત્યાં દિવ્ય અણમોલ કામણથી ,હું મીરાંમાં પ્રકટ થાઉં  છું ,

ને   હતા  ભજનો મર્મરના, ને  રિસાઈ ને ય   જાઓ  તમે ,
મૌન  ની  તારી   મહેર થી,   સુદામા   રંગ    રેલાઉં     છું ,

છેદ   સોંસરવા   પડે    છે   શ્વાસના ને  વીંધાઈ   જાય  છે ,
ફૂંક   થઈ   હું   વાંસળીમાં  જાઉં, પાછો  સૂર થઈ આવું છું ,

એક  પણ  બારી  ઉઘાડી એ  નથી રાખી તેં  મન પાર ની ,
હું  કળી  ના મન  શક્યો તારું, હું થઈ મોરપીંછું ડોકાઉં  છું ,

ફૂંક   જો   ના   હોત   તારી,  હવા  ના   હોત  અવકાશમાં ,
જળ   ભરેલી   વાદળી  આવે  ક્યાંથી  ત્યાં હું અટવાઉં છું

મુકુલ દવે 'ચાતક'

No comments:

Post a Comment