10 August 2016

ડંખ જીરવી ચૂંટ કાંટાના ગુલાબ,ખૂશ્બુ તું લે,વિખરાઈ જાય તો ,મુકુલ દવે 'ચાતક'

ડંખ જીરવી ચૂંટ કાંટાના ગુલાબ,ખૂશ્બુ તું  લે ,વિખરાઈ જાય તો
આવ, તારી  મોકલું  સુગંધ, ભલે ગુલાબ  જો  કરમાઈ  જાય તો ,

આમ   છો   ને  ઝંખનાઓ ને  કળીઓમાં, જગાડી   હોય   જેમણે  ,
અંતમાં તો ફૂલ ખરશે,નિયતિની એ વાત જો સમજાઈ  જાય તો ,

મનસૂબા  તો  ફૂલને  કાયમ  કચડવાના  થતાં રહ્યાં  જ છે  અને ,
તું  અત્તર  થઈને  સર્વે  ફેલાવ ખૂશ્બુ, એ ધર્મ પથરાઈ  જાય તો ,

છો   તમે   ફૂલના   સ્વરૂપમાં,  ફોરમ   સમું   પૂજાઈ    જાવ   છો ,
ફૂલ  કાયમ  પર્યાય  કાંટાનો ય  છે, હૃદય નું શું,વીંધાઈ જાય તો,

તું    કહે   કાંટા  ચૂંટી  ગુલાબ  ઝાકળે  ધોઈને   સુગંધ   પી   લઉં
હું   થઈ   ગુલાબની   ખૂશ્બુ  વહુ ,  તું   મુજમાં  ફેલાઈ  જાય  તો ,

મુકુલ દવે 'ચાતક'

No comments:

Post a Comment