25 September 2016

જે ગામની રાહે જવું નહીં એનું નામ પણ બોલવાની ક્યાં જરૂર છે ,મુકુલ દવે 'ચાતક'


જે  ગામની રાહે જવું નહીં એનું નામ પણ બોલવાની ક્યાં જરૂર  છે 
રોકાય  નહીં  અંધારું એ  દીવાઓ  ને  પ્રગટાવવાની  ક્યાં જરૂર છે ,

ને  કોણ  જાણે  કેમ  દર્શનમાં  તરસતી  એમની  આંખ  છે અધીરી ,
જે દીવાના તેજમાં નથી તેલ ત્યાં સૂરજ ઉગાડવાની  ક્યાં જરૂર છે ,

જે  આગ  ધગધગતી  હતી  એ  ઠારવા  તું  રાખ લઈને ઢાંકતો તો ,
ને  આજ  ઠરતી  આગ ને  ફૂંકી  ફરી સળગાવવાની  ક્યાં  જરૂર  છે ,

તું  ચાંદની  રાતે  સફરમાં  નીકળ્યો  તો  ને  સિતારાઓ  મળ્યાંતાં ,
એને  ઉતારી  ના  શક્યો  નીચે,  અહમને વાવવાની  ક્યાં  જરૂર છે ,

ને  એક  તસુ ની   ઇચ્છામાં  આસમાને  વાદળો  બંધાય  તો  નહીં ,
બે  બુંદ  ચાહતમાં તારે  'ચાતક' દરિયામાં ડૂબવાની  ક્યાં જરૂર છે ,

મુકુલ દવે 'ચાતક'

No comments:

Post a Comment