30 April 2017

સાવ ખાલી હાથથી સંબંધ સેતુ બાંધવાની વાત છે ,મુકુલ દવે 'ચાતક '

સાવ   ખાલી   હાથથી   સંબંધ   સેતુ બાંધવાની વાત  છે ,
નાવને   વિશ્વાસના   કિનારે   હાંકી   લાવવાની  વાત  છે ,

શ્વસતા  ટોળાં  ઉભાતાં  તોય  સ્પર્શીને  ગળી ગઇતી હવા ,
ભીંત  પર  ફોટાના  માણસને  ફરી  ઉઠાડવાની  વાત   છે ,

અંધકારે   સૂર્ય   ને  ચન્દ્રના  ચાકડે   જિંદગી   ગુજારી   છે ,
ખુદનાં  અંધકારમાં  દીવો  કરી  અજવાળવાની   વાત  છે ,

શોખ  છે ફૂ લને  અત્તર થઈને મલાજો રાખવો છે  મોતનો ,
ને   મ્હેંકની   કેફિયતથી   ઈશ્વરને  દીપાવવાની   વાત  છે ,

જોયું  ઊંડે  આપણે  કોઈ  દરિયો  કે  ક્યાં  નદી બનવું  હતું ,
બસ તળાવ થઈને નદી બાજુજ ઝરણાં વાળવાની વાત છે ,

કેટલાંયે   છેદ  છે  શ્વાસોના  ને  ધબકાર  આજે   સ્તબ્ધ  છે
શ્વાસની  ભાષા જ  અથડાય  શ્વાસમાં  ઉકેલવાની  વાત  છે ,

મુકુલ દવે 'ચાતક '


16 April 2017

કોઈ વેળા આવશે એ અટકળો ની તું શરારત રહેવા દે,મુકુલ દવે 'ચાતક'

કોઈ  વેળા  આવશે  એ  અટકળો ની  તું  શરારત  રહેવા  દે,
રણ વચ્ચે ઊભો રહી  ખુદની તરસ સામે મરામત રહેવા  દે,

ઊડ્યું પંખી મુક્ત થઈ બાંધવા માળો સળી ઝાડ ઉપર  લઈ ,
હોય  ઈચ્છા  ત્યાં  હવા  ને  બાંધવાની તું બગાવત રહેવા દે ,

કૈં નજરથી દૂર છે ને તોય રણમાં પણ તરસ ત્યાં બધી બાજુ ,
ઝાંઝવે   દર્પણ  ધરીને  મૃગજળની  તું   કરામત  રહેવા   દે ,

સાંજ  ઢળતાં  રોજ  અંધારું  નિહાળી  પ્રગટાવ્યો  ભલે દીવો ,
ને  ચઢતાં  તડકામાં  સૂર્ય સામે દીવાની અદાવત રહેવા  દે ,

આભમાં   ઊઠી   જવાળાઓ ,  તથ્ય   એકે  રહ્યું  નહીં  જોઈ ,
રાખ  ધરતીના  શિરે  છે  ,જિંદગી  તું  આ શરાફત રહેવા  દે

મુકુલ દવે 'ચાતક'