25 May 2017

મેં આભમાં પંખી ઊડાડી પાંખના પારખાં કર્યા ,મુકુલ દવે 'ચાતક'

મેં   આભમાં   પંખી   ઊડાડી    પાંખના   પારખાં    કર્યા
એમને    તો    નિશાન    ટાંકી    મેડલો    લાખના  કર્યા

ને    જીવવા    માટેય    શ્રદ્ધાના   ઘણા  દ્વાર  તો  ખૂલ્યાં
ઈશ્વરને   ખુદ   સાક્ષાત   કરવા   પૂતળા  જીવતાં  કર્યા

કરતો  દરિયાદીલી  લઇ   કરતાલ  બસ  હાથમાં  જ્યાં
સાંઈની  અલગારીમાં  દુઆઓએ   ઘરે   આવતાં  કર્યા

સહેલું  નથી  આ  ગહનતાથી ખુદને પોતાને  મળવાનું
સ્વને   ભૂંસીને   શિર   નમાવતાં  ઈશ્વરે  ચાંદલા   કર્યા

ને   ચાલ   વાદળની  ક્યારની   સૂર્ય   સંતાડવાની   છે
'ચાતક' જો વાદળની મથામણથી સભર વરસતાં  કર્યા

મુકુલ દવે 'ચાતક'

18 May 2017

શ્વાસનું એ મૌન છળવત થઇ ઠગાઈ જાય છે મુકુલ દવે 'ચાતક ',

શ્વાસનું  એ મૌન  છળવત થઇ ઠગાઈ જાય  છે
ને    ખભો   આપી   તું   કેવો  છેતરાઈ  જાય છે

સ્વપ્નની   જેમ   તું    તો   સાવ  ભૂલાઈ  ગયો
આમ    બીજાનો   ચ્હેરો    ચીતરાઈ   જાય   છે

પથ્થરના     ઈશ્વર     અંતે     તરાસ્યાં    ઘણા
કાચના   ઘરમાંય  શ્વાસો  ઓળખાઈ   જાય  છે

આયના  ને   શું   સૂઝ્યું   આજ   વર્ષો  બાદ  કે
બિંબ   આવીને   ચ્હેરાને   અંતરાઈ    જાય   છે

આજ 'ચાતક' જળનું સગપણ ના તૂટે એ કારણે
હર  તરસતાં  જીવમાં વાદળ  છવાઈ  જાય  છે
મુકુલ દવે 'ચાતક '

13 May 2017

આગ તો કોઈ લગાવીને ગયું એમાં પછી ઝળહળવું છે ,મુકુલ દવે 'ચાતક'

આગ  તો  કોઈ લગાવીને  ગયું  એમાં  પછી  ઝળહળવું   છે ,
સાવ    મારા    હિસ્સાના    ધુમાડામાં    ઈશ્વરને    મળવું  છે ,

તાજમહેલ જેવું ભલે એને બનાવ્યું હોય ઘર તો  શું થઈ ગયું ,
આંગણે  તારે   સજદાથી  કૈંક  ઈબાદત   મહીં  ઓગળવું  છે ,

ખુદ જિન્દગી  તું  ભિખારણ વસ્ત્રમાં સામે સતત આવી ઊભી ,
બદલતાં  તારા  ચહેરા  સાથે  મિલાવી  હાથને  નીકળવું   છે ,

છેક  તીરથનીય  જોઈ   ભીડ  ઈશ્વરની   ફકીરી  ગોઠી    ગઈ ,
ક્યાં  મળે  ઈશ્વર  એ  જાણીને  સ્વર્ગ  માટે ક્યાં ટળવળવું  છે ,

સાદ    પાડીને    પછી   બોલાવ    તું   કે  આવ તું  ઇશારાથી ,
જે   સતત   પડઘાય   છે   કોઈ  એ  બ્રહ્મનાદને ઢંઢોળવું   છે

મુકુલ દવે 'ચાતક'