29 August 2017

જિંદગી દઈને જ એને બહુરૂપી તેં કરી હતી ,મુકુલ દવે 'ચાતક'

જિંદગી    દઈને   જ    એને   બહુરૂપી   તેં   કરી  હતી
એક  મુફલિસની  ઈબાદત  પર  તેથી પડાપડી  હતી

તેં   સર્જ્યા   છે  બે   ઘડીના  ખેલ  આ  જિંદગીમાં  કૈં
આજ   ઘટનાથી   આત્મામાં  કદરૂપી  તો ઢળી  હતી

એને  મનાવવા  નાટકના  તો  કૈંક પડદા પડી  ગયા
હે   ઈશ્વર   આ  આત્માની  જ્યોતમાં  ક્યાં  કમી હતી

ને  કયામતની  રસમથી  પ્યાસ મઝધારે છોડી હતી
એ    તરસ   ત્યાંથી   વહીને   ઘૂંટણે   લડખડી  હતી

જે ઇશારત પર જ 'ચાતક' સૌ હરફ તારા નામે આવે
તડાફડી   ત્યાં   તો   હતી  પાછી  ગલી  સાંકડી હતી

મુકુલ દવે 'ચાતક'

5 August 2017

જિંદગીનો દાખલો ખોટો થર્યો ને ભૂંસાતા સરવાળો મોટો થયો,મુકુલ દવે 'ચાતક'

જિંદગીનો  દાખલો  ખોટો  થર્યો  ને  ભૂંસાતા  સરવાળો  મોટો  થયો
શૂન્યની ને ચોકડીની  કૈ  રમતમાં  પણ  કપાળમાં તો લિસોટો થયો

કેટલાયે  પુણ્યોથી  તો   ઉલેચ્યાં  જ્યાં  અંતરના  અંધારા  એ  પછી
આમ તો સમજાયું કળિયુગમાંય કૌભાંડોનો સરવાળો તો ખોટો થયો

ને  સુગંધોના  ખજાના  લૂંટવાના  મનસૂબામાં  ફાંસ  ખટકી ગઈ  ને
ફૂલના એ  ઉઝરડામાં  છળ  થતાં ની  સાથે એના સંગમાં કાંટો થયો

આટલો   છે  સાર  જીવનની  નયાનો  અંતવેળા  ઈશ્વર  સુધી   જવા
જયાં  દુઆમાં  મૂક્યો  વિશ્વાસ  પળભરમાં  જ   નાખુદાનો ભેટો થયો

સાવ   કોઈનીય   હોતીએ   નથી   કોરી   આંખો  'ચાતક'  ઊંડે  ઉતર
લાગણીનો  જ્યાં  તરાપો  મૂક્યો  ત્યાં  આંખ છલકાતાં પરપોટો થયો

મુકુલ દવે 'ચાતક'