26 June 2018

હસ્તરેખાઓ મહીં વિસ્તરું હવે ,તું શક્યતા નિભાવ,મુકુલ દવે 'ચાતક'

હસ્તરેખાઓ   મહીં   વિસ્તરું   હવે ,  તું   શક્યતા   નિભાવ
ખુલ્લા   છે   દ્વાર   ઘરના  આમ  તું   સંભવ  બનીને  આવ
વાટ  વર્ષાની  જોઈ  સુકાયુંતું  કેવળ  હોઠ  પર  તારું  નામ
પ્યાસને નામે તું વાદળ બની સતત છલકાઈને બસ આવ

મુકુલ દવે 'ચાતક'

25 June 2018

તમને ભૂલી જવા તો અતીતના દ્વાર ખુલ્લા મેં કર્યા હતા ,મુકુલ દવે 'ચાતક'

તમને ભૂલી જવા તો અતીતના દ્વાર ખુલ્લા મેં  કર્યા હતા
બસ આવ્યા નહીં જ્યાં તમે ત્યાં ભેદ મુકદ્દરના ખર્યા હતા
ને  ક્યાં રહી  છે એવી પ્રણયની મોહકતાં ને માદકતા હવે
મારો  લિબાસ  જોઈને  મ્હોબતના  ચોકીદાર  ડર્યા   હતા

મુકુલ દવે 'ચાતક'

19 June 2018

અંધકાર ભલે ઘોર હોય ,દિવાના ઘરનીએ આસપાસ હતો ,મુકુલ દવે 'ચાતક'

અંધકાર ભલે ઘોર હોય ,દિવાના ઘરનીએ આસપાસ  હતો
શંકા  ન  કર  મારા  વિશે ,  મારી  જાત  અજવાળતો  રહ્યો
તેઓ   મને   શોધી   શોધી  થાકી  ગયા    આ      સફરમાં
અંતે   તમને   મળવા   હું   પણ   શ્રદ્ધાને  પંપાળતો    રહ્યો
મુકુલ દવે 'ચાતક'

14 June 2018

સ્હેજ તરસે જાતને પણ રણ ગણી આંબી ગયા,મુકુલ દવે 'ચાતક'

સ્હેજ  તરસે  જાતને  પણ  રણ  ગણી આંબી  ગયા
ઊંટની   પણ   ઝાંઝવા  રણમાં  તરસને   પી  ગયા

જીવતા   ને   જાગતા   સંબંધ   સગળાં  કર્યા  દફન
ખુદ   કબર   ઉપર   જઈ   સંભારણે   પલળી  ગયા

એક  ફૂટી  કોડી  આમ  એ  હિસાબમાં  છોડે નહીં
શ્વાસ   ચૂક્યાં  પ્રભુ  પાસે  ક્ષણ  માંગી  ભૂલી  ગયા

રોજ   શોધ્યા   એ   કરે   મળતું   રહે   છે  દર્દ પણ
ને    ઉપાડ્યાં   શ્રદ્ધા   નામે   ચરણ    થંભી   ગયા

લોક    સ્મશાને    ઉઘાડો    છોગ    મૂકીને     ગયા
હીબકે લોકો ચઢ્યાં તૃષાના આવરણ ઊઘડી ગયા

મુકુલ દવે 'ચાતક'



8 June 2018

વરસ્યાં એ સ્હેજ એને ખુદ અમે શ્રાવણ ગણી બેઠા મુકુલ દવે 'ચાતક',

વરસ્યાં  એ  સ્હેજ  એને ખુદ  અમે  શ્રાવણ ગણી બેઠા
રોજ  છાયા આમ  આવે ,સ્વપ્નાનાં કિલ્લા ચણી બેઠા

લાખ 'ઘા' તો આમ સુકાયા પ્રયત્નોને કર્યા  પછી પણ
ને   છતાં   એ   ધાર  કાઢી  પાછા આવ્યા  ખણી  બેઠા

જોઈ કામણ આંખનું  શું  પ્રેમ  હશે  એવી રમતમાં તો
તેમને   વધુ   ચાહવામાં   લાગણીઓને   વણી  બેઠા

આપની આ  આંખમાં  દીવાનગીના  પ્રતિબીંબ  જોઉં
ત્યાંજ  આંખોના સમજદાર  અશ્વો  તો  હણહણી  બેઠા

ભૂતકાળની એ  તબાહીનો ન'હતો  અંદાજ વિગતોનો
આજ એ હિસાબ આપતાં  જિંદગીના ઘાવ ગણી બેઠા

મુકુલ દવે 'ચાતક'