28 October 2018

લાગણીની ફૂંક મારે વાંસના પોલાણમાં તો સૂર નિકળે,મુકુલ દવે 'ચાતક'

લાગણીની   ફૂંક   મારે   વાંસના   પોલાણમાં  તો   સૂર   નિકળે
પનઘટે   રાધાની   ગાગરમાં   હેતની   તૃષ્ણાના   પૂર    નિકળે
શ્રદ્ધાનો  પકડ્યો   છે   હાથ  મીરાંએ,  શ્યામભીની   રાધિકા   છે
સાદછે મીરાંનો,વિરહ રાધાનો,બન્નેની આંખમાં ભિન્ન નૂર નિકળે
મુકુલ દવે 'ચાતક'
(નૂર ::ઈશ્વરનું એક નામ)

23 October 2018

સાથ ના આપો,આંખનો પણ હામ તો આપો,મુકુલ દવે 'ચાતક'

સાથ  ના  આપો, આંખનો પણ હામ તો આપો
વાત  મનમાં  રહે  પ્હેલાં હોઠે  નામ તો આપો
તું   દ્રિધા વચ્ચે  હું મળવાનો જગત આખામાં
આ કિનારે હું પેલે પાર તું કોઈ ઠામ તો આપો

મુકુલ દવે 'ચાતક'

12 October 2018

શ્વાસ ઉચ્છશ્વાસ વચ્ચે તરસવા જીવન વણાયું છે ,મુકુલ દવે 'ચાતક'

શ્વાસ   ઉચ્છશ્વાસ   વચ્ચે   તરસવા   જીવન    વણાયું   છે
ટોળે  વળેલા  લોક  ને  પણ  શ્વાસનું  એ  ગૂઢ  શિખાયું  છે

પગમાં   લૈ   કાંટા   ફકીરીના   રાહ  ઉપર  ચાલતા  જોઈ
જે   રસ્તે   ફેંક્યા   તમે   પથ્થરા   એનું  તો ઘર બનાયું છે

ફૂલો સાથે કાંટાઓ ધરી એમને હથિયારનો કર્યો ઉપયોગ
આજ   કાંટામાંથી  ફૂલો  વીણી  એજ  ફૂલોથી  પૂજાયું   છે

ખાતરી જળની કરવા પથ્થરા તળાવમાં ફેંકતા ભારે  થઇ
ખબોચિયાંના   ડરથી   દરિયામાં   માછલાને   તરાયું   છે

ઈશ્વરની     મૂર્તિ,    પૂજા,    પાથ    મંદિરે     અમે    જોયા
પણ  જગતના   ટાંકણે   ઈશ્વરને   ભીતર ખુદ મળાયું   છે

મુકુલ દવે 'ચાતક'

1 October 2018

કંટકની સાથે ગુલાબ સમી યાદમાં કોઈ ઘૂંટાઈ ગયું ,મુકુલ દવે 'ચાતક'

કંટકની  સાથે  ગુલાબ  સમી  યાદમાં કોઈ  ઘૂંટાઈ ગયું
રાતરાણીની    સમી    યાદોમાં    કોઈ   લલચાઈ   ગયું

કોઈ  ને  છેતરવાની  આવી  રમત  રણની   હોય  નહીં
મૃગજળને  ખુદ  તરસમાં  આમ  જળતો  પીવાઈ  ગયું

તું  કહે  છે  તું  ભૂલી  જા, પણ  આ  ક્ષણે   હું  કેમ  ભૂલું
જે  ખૂશ્બુ  તુજમાં  હતી  એ  મુજમાં  કોઈ  ફેલાઈ ગયું

હું અહોનિશ શોધી રહ્યો છું  શું ખૂટે છે મારામાં સતત
રુહ  હતો  મુજ  પ્રીતનો  કોઈ  મઝારમાં  દફનાઈ ગયું

વેદનાને   માન   આપી   નામ   તારું   સ્મરણ   કરું  હું
સમજુ ના સમજુ એ પહેલા કોણ મારા ઘા રૂઝાઈ ગયું

મુકુલ દવે 'ચાતક'