19 May 2019

જાતને સાબિત કરવા મથું ત્યાં સવાલાત હોય છે,

જાતને સાબિત કરવા મથું ત્યાં સવાલાત હોય  છે
હાથ  મારો  બસ  તું  ઝાલે  ત્યાં કબૂલાત હોય  છે

મેં  કશું  માંગ્યું  નથી  પણ  આજ  હું માંગુ છું ત્યાં
દુનિયાને   જોઈ   લાગે   કેવી  વસુલાત  હોય   છે

બસ   મુદ્દાતો  બેજ  હોય  છે  જિઁદગીની  વાતમાં
અન્ધકારનો  અર્થ  જીવનની  શરૂઆત  હોય  છે

પથ્થરમાં   તું   કોતરાયો   ઓળખાણ   છુપાવવા
હું  તને  મારામાંજ  શોધું, ત્યાં  તું સાક્ષાત હોય છે

પાછલાં  જન્મે  તું  ચાતક  તરસ્યો  હોવો  જોઈએ
આ  જન્મમાં  એ  તરસનો તેથી વલોપાત હોય છે

મુકુલ દવે 'ચાતક'


13 May 2019

આમતો ભીના અશ્રુ તોયે દઝાડે છે મિતવાં,મુકુલ દવે 'ચાતક'

આમતો  ભીના  અશ્રુ  તોયે  દઝાડે છે  મિતવાં
લાગણીમાં ભીનાશ છે પાછા સંતાડે છે મિતવાં

રમતિયાળ  છે   લાગણી  દીવાનગીમાં  દોસ્ત
જોને  લહેરાવી  ઝૂલ્ફો  ઝૂલે ઝૂલાવે છે મિતવાં

ઝંખના  જીવલેણ  છે  આજ  જાણ્યા  પછી પણ
વાર્તાની   જેમ  રસ્તો   એ   બતાડે  છે  મિતવાં

ચાલ   ચાલી   છે   શ્વાસમાં  ભરી   છે   ત્યારથી
પ્રેમમાં  તરસાવી  રમત  એ  રમાડે  છે મિતવાં 

મૌન પાછળ લાગણી ઢાંકી શક્યા નહીં એ આજે
બસ  ટકોરા  દેતાં  કમાડ  એ  ઉઘાડે  છે મિતવાં

ના   કદી  વાંચી   શક્યા  આંખની  તારી   લિપિ
આંખમાં  ખોયું   જગત   એ   જગાડે  છે મિતવાં
મુકુલ દવે 'ચાતક'

7 May 2019

જળ વગર ખાબોચિયામાં પણ અંજળ જેવું હોવું જોઈએ મુકુલ દવે 'ચાતક ',

જળ વગર ખાબોચિયામાં પણ અંજળ જેવું હોવું જોઈએ
એટલે  તો  સાવ  કાદવમાં  કમળ  જેવું   હોવું    જોઈએ

કેમ  આ  મારા  કદમ  આગળ  હવે  વધતાં  નથી  મિત્ર
ચોક્કસ  ત્યાં   હૃદયના  દ્વારે  અકળ  જેવું  હોવું   જોઈએ

આ   સૂરજને    ધૂંધળો   ડમરીઓ   કેવી  રીતે  કરી  શકે
આંખમાં તો બસ કેવળ ધૂળના વમળ જેવું  હોવું  જોઈએ

નીકળે    છે   આંસુઓ   બસ   કોઈવાર   કાળાશ    તોડી
તું   કહે  છે   આંખમાં  ફક્ત   કાજળ  જેવું  હોવું   જોઈએ

આંખમાં  દેખાય  નહીં  એવા  ઝાંઝવા પણ હોય છે મિત્ર
આખું  જીવન  શોધ  તું  તોયે મૃગજળ જેવું હોવું  જોઈએ

મુકુલ દવે 'ચાતક '