23 July 2019

મોહના વળગણ ને અંતે મુકવાની વાર્તા છે,મુકુલ દવે 'ચાતક '

મોહના   વળગણને   અંતે  મુકવાની વાર્તા  છે
નશ્વરમાં    ખૂબ    ઊંડે    ખૂંપવાની   વાર્તા   છે

મોહમાં   બસ   નશ્વર  આ   લાશને  તો  સંગ્રહી
આખરે   તો   સડી   જતાં   ફૂંકવાની   વાર્તા  છે

તણખલાં   ભેગાં  કરી  માળો  પંખી  કરશે  ક્યાં
ને  પંખી  ઉડાડી  કૂંપળને  રોપવાની  વાર્તા  છે

સાવ  સપના  ગૂંથવાની  પણ  કહી  છે  ના ક્યાં
પણ  હકીકત  એ  જ  છે  કે  જાગવાની વાર્તા છે

'માં' ના પાલવ આસપાસમાં રહી જીવન જીવ્યા
આંસુઓને   કાજ  પાલવ  શોધવાની  વાર્તા  છે

કેમ   સુલઝે   રાતભર   આ  ચાંદનીના  રહસ્યો
જુલ્ફોને   તારા  ચહેરાથી  સરકવાની  વાર્તા  છે

મયકદાની  પણ  સુરા  અંતે રાંક જેવી થઇ ગઈ
નજરોને  જ્યાં  છલોછલ  છલકવાની  વાર્તા  છે

મુકુલ દવે 'ચાતક '


No comments:

Post a Comment