14 February 2020

રેશમી ઘનઘોર જુલ્ફોને ઝટકો તો ખરા ,મુકુલ દવે 'ચાતક'

રેશમી    ઘનઘોર    જુલ્ફોને    ઝટકો   તો   ખરા
છાયા  બની  ક્યાંક  તો  મુજપર  વરસો તો ખરા

જે   તમે   લખતા   નહોતા  એ  આંખે વંચાય  છે
પાંપણો   ઢાળીને   મારી  પાસે   ઉઘડો તો  ખરા,

ઓળખું   છું   તારા   સુંવાળા   ટેરવાના   સ્પર્શને
જાતથી  દૂર  રહીને  સ્વપ્નામાં  અડકો  તો  ખરા

આમ   લઈને   તરસ   ક્યાં   ને  ક્યાં  તું ફર્યા કરે
બસ પ્રથમ વરસાદમાં આવીને પલળો  તો ખરા

આજ  ફરી  ચાંદ  પૂનમનો જોઈ આવ્યો  વિચાર
જોઈ  તને  પ્રશ્ન  છે, ધરતી  પર ઊતરો તો  ખરા
મુકુલ દવે 'ચાતક'

No comments:

Post a Comment