18 February 2020

હું બોલું કે તું બોલે તોયે ઘણું બોલાય છે ,મુકુલ દવે 'ચાતક'

હું  બોલું  કે  તું  બોલે  તોયે  ઘણું  બોલાય  છે 
કહેવું   હોય   જે   એ  ખાસ   ક્યાં  કહેવાય  છે 

ઈશ્વરને  આમ  જઈને  પૂછું  તો  કહેતો  નથી 
સફર છે લાંબી ને રસ્તો ટૂંકો પૂછે ક્યાં જાય છે 

જ્યાં  તું  પણ  રહે  છે એનું સરનામું આપ્યું છે 
પ્હોંચતા   ત્યાંજ  અધરસ્તે  રસ્તો  ભૂંસાય  છે 

ને ઢળતાં સાંજ મારુ દિલ જોરથી ધબકે તો છે 
અર્શ્રુ  વિના રડવામાં શ્વાસ ભીના સંભળાય  છે 

નિકટ  તું  હોય  છે  તો ભય કશાનો હોતો નથી 
હું  ખુદ  મારાથીયે  ડરું  છું તું જયારે રિસાય છે 

પ્રણયની  ભાળ  લેવા કૃષ્ણ વગાડે છે વાંસળી 
વૃન્દાવન જાવ મીરા રાધાના સૂરો  વ્હેંચાય છે 
મુકુલ દવે 'ચાતક'


No comments:

Post a Comment