19 March 2020

તેં હાક મારીતી ને પડઘાતી પછી એ જિંદગી ગુજરી હતી, મુકુલ દવે 'ચાતક'

તેં   હાક   મારીતી   ને   પડઘાતી   પછી  એ  જિંદગી  ગુજરી  હતી
તું  હજું  ગુંજે  છે  એકેક  ક્ષણ દિલમાં પછી એ લાગણી અઘરી હતી

મારો  કદી  થોડો  ઘણો  પણ  વાંક  તો  મારીજ  સમજણનોય હતો
ઘણી તો સમજ આસાન પણ હતી ને છતાં તોયે તે અધકચરી હતી

જુઓ  આમતો  કંઈ પણ નહોતું પત્રમાં તોયે બે વખત વાંચ્યો હતો
ને  તે  છતાં  અર્થની સમજણ ક્યાં હતી એથી વાત પણ વકરી હતી

એ   રાત   પૂનમની   હતી   ને   ચાંદ  પણ  મારાજ  ખોળામાં  હતો
ખૂબી   એ   હતી   કે   ચાહની   સૌથી  જમાવટમાં ફક્ત નગરી હતી

જો   ધાર્યું   હોત   તો   જાતની   આ   કેદને   તું ધરાશય કરી શકત
ને   જીદ   ઉપર   ઉતરી   અફવાઓ  વચ્ચે  તે  જાતને નોતરી હતી
મુકુલ દવે 'ચાતક'

No comments:

Post a Comment