1 April 2020

કશા કારણ વગર મારીજ આંખો બસ મળી ગઈ ,મુકુલ દવે 'ચાતક '

કશા   કારણ   વગર   મારીજ  આંખો  બસ  મળી  ગઈ
સુરાહી   જામ   મહીં  આ  આંખની  આદત  વધી  ગઈ

સુરાલયમાં   મિત્રો   મારી  રાહ  જોઈ  બેઠા  હતા  ત્યાં
નશીલી   આંખથી   મયખારની   આદત    છૂટી   ગઈ

પગલાં   મારા   મધુશાળા   જઈ   આમતેમ  લથડતાં
નશામાં  આ  પગો  અથડાય  નહીં  એ  ટેવ વસી ગઈ

ડૂબવું   છે  તારા  નયનમાં  મુજને  તું  ડૂબી  મરવા  દે
અચાનક એ છલોછલ મુજ ઉપર આ રીતે વરસી ગઈ

હું    બાગ-બામાં    ફૂલોની    જેમ     ખીલી    ઉઠ્યોતો
ખૂશ્બુ   વેળા   બંદગીમાં   પ્રસરી  મુજમાં  ઉતરી  ગઈ

નથી   મેં   આંખડીનો   દોષ   કાઢ્યો   તોયે   તૃપ્ત  છું
નશો  મુજને  કશાનો  નથી   છતાં  મુજમાં  જીવી  ગઈ
મયખાર ==મદિરાપાન કરનાર
મુકુલ દવે 'ચાતક '

No comments:

Post a Comment