11 April 2020

હોઠ પર છે હજુ તરસ ને આંખમા દરિયા જેવું લાગે છે ,મુકુલ દવે 'ચાતક'

હોઠ  પર  છે  હજુ  તરસ  ને  આંખમા  દરિયા  જેવું લાગે  છે
કોણ  આવ્યું  છે  તરી  હજુ ખારાશથી છલક્યા જેવું લાગે  છે

જો   પવનથી   જૂલ્ફો   તારા   રૂપાળા   ગાલ   પર   ઉડે   છે
ને  ઘૂંઘટ  ખુલ્લી  જતાં  જુદી  સવાર  પડ્યા  જેવું  લાગે   છે

સમજી   વિચારી   તમારી   આંખથી   વાર   કરજો   ને   હજુ
આંખમાં  છે  તીર  પાંપણ  ઢાળી  ને  કબૂલ્યા  જેવું લાગે  છે 

હા, તમારી  હાથની  રેખા  સ્પર્શતાં   દિલને  થઈ   છે  શાંતિ
હસ્તરેખા એની અંકિત થઇ જતાં મુકદ્દરે ઝંખ્યા જેવું લાગે છે

હાક  તેં  મારીતી  કદી  યુગો  થયાં  ઘણાં  તો  પણ  હું  આજે
ગુંજી  રહ્યો  છું  શ્વાસમાં  તારા  એ  પછી જાગ્યા જેવું લાગે છે
મુકુલ દવે 'ચાતક'

No comments:

Post a Comment