20 April 2020

જે તરસ લઈને નદી ફરે છે સમંદર લઈ આવે ,મુકુલ દવે 'ચાતક '

જે   તરસ   લઈને   નદી   ફરે   છે  સમંદર  લઈ   આવે
તું  તરસ  ના બાંધ  હોઠે  એ  જામ  તરબતર લઈ આવે

ઝાલ્યો   તારો   હાથ   ત્યારથી   ખુશ્બૂ   ચારે  બાજુ   છે
ખુશ્બૂ  ગુલાબોની  તું  સમેટે  એ  કીમિયાગર લઈ આવે

આંખ  તારી  તળાવ   છે   કાયમ   હું  જોઉં  છું   ખુદ  ને
પણ જયારે તારી આંખ મળે છે તું સચરાચર લઈ આવે

દિલ્લગી    તું    જ્યાં   કરે    ધબકાર    ઊછીનો  રહે  છે
જીવવાનો   આમ  બસ   એવો   તું   દસ્તૂર   લઈ  આવે

આંખની     પાંપણ     જયારે    પટપટાવે     છે     ત્યારે
તારી  પ્યાસી  આંખો  ત્યારે વરસાદ ઝરમર લઈ  આવે
મુકુલ દવે 'ચાતક '

No comments:

Post a Comment