30 April 2020

પ્રેમ પર મારું જાગરણ હતું ને સિતારો પણ ખર્યો હતો ,મુકુલ દવે 'ચાતક'

પ્રેમ પર મારું  જાગરણ હતું  ને સિતારો પણ ખર્યો હતો
આસ્થાને   પુરી   કરવા  મેં   શ્રદ્ધાનો  દીવો  ધર્યો  હતો

એજ અંધકારને પૂછવાનો હક છે એ તડકાના માણસને
છાંયડાને    કાજ    અવિરત    કેટલું   તું   એ  ફર્યો હતો

જિંદગીભર   જળ   લઇ  તું   મૂર્તિને   ચમકાવતો  રહ્યો
એમાં  તિખારવા  ના  રહ્યા,  પરમાત્માને કરગર્યો હતો

તું   રમત  છોડી  ગમે   ત્યારે   જઈ  શકતો  હતો  જ્યાં
મેં   ખુલ્લી  કિતાબ  રાખીને  અજબ  સોદો   કર્યો  હતો

આપની  કોરી  આંખમાં  મારું  પ્રતિબિંબ જોઈને સતત
એ  અલૌકિક  શુદ્ધિમાં  ચકચૂર  નશો મારો ઉતર્યો હતો

તિખારવો =દેવતાનો તણખો
મુકુલ દવે 'ચાતક'


No comments:

Post a Comment