4 April 2020

મેં હજી તીરને જ તાંક્યું છે,ઉતાવળ ક્યાં છે ,મુકુલ દવે 'ચાતક'

મેં   હજી   તીરને   જ   તાંક્યું   છે, ઉતાવળ   ક્યાં  છે
દિલ  સુધી  તો  ક્યાં  પહોંચ્યું  છે, ઉતાવળ  ક્યાં   છે

મોઘમે તારે કંઈક કહેવું હોય તો ગુલાબ મુજપર ફેંક
નામ   તેં   ક્યાં   મારું   પૂછ્યું   છે,  ઉતાવળ ક્યાં  છે

રેશમી    ઘનઘોર    ઝૂલ્ફો    આંખમાં   અથડાય   છે
આંખમાં   ક્યાં   કશું   વંચાયું   છે, ઉતાવળ  ક્યાં   છે

જો,   કિસ્મત     બિસ્મત    એ    તો  ફક્ત  વાતો   છે
શ્રદ્ધામાં   ક્યાં  નામ   લેવાયું   છે,  ઉતાવળ  ક્યાં  છે

પ્રેમમાં   બુધ્ધીનું   પણ   ઊપજવાનું    સ્હેજે    નથી
લાગણીથી   દિલ   જિતાયું   છે,  ઉતાવળ   ક્યાં   છે
મુકુલ દવે 'ચાતક'

No comments:

Post a Comment