8 April 2020

જુલ્ફોના રહસ્યો એમના સમજાયે એવા પણ નથી .મુકુલ દવે 'ચાતક'

જુલ્ફોના   રહસ્યો   એમના   સમજાયે   એવા   પણ   નથી
કેશ   એ   સુલઝાવી   'ના'   સમજાવે   એવા    પણ   નથી

ઝાંઝવા  ખુદ  તરસ્યાં  ને  વરસાદની  મોસમ  આજે  હતી
આજ  ખુદ  ભીંજાઈને  એ  'ના'  તરસાવે  એવા  પણ  નથી

આંખ    છે    પ્યાલી   સમી    તોયે    ધરી  છે  સુરાહી  છતાં
એક  મયખાનું  ઉઠાવીને  'ના'  પીવડાવે  એવા  પણ  નથી

એને   સમાવી   આંખમાં   અમે  બારણાં  વાસી  બેસી  રહ્યાં
દ્વારની  સાંકળને  એ ખુદ  'ના'  ખખડાવે  એવા  પણ  નથી

ભેદ  ના  પામ્યા  દિવસ  ને  રાતનો,  ને   ખુદ  અજ્વાસનો
ને એ ખુદ અજવાસના દીવા 'ના' પ્રગટાવે એવા પણ નથી
મુકુલ દવે 'ચાતક'

No comments:

Post a Comment